Èske sanksyon Kanadyen yo konsènan gran pwela kap fè edefè yo nan lekonomi peyi dAyiti yo rive nan bank nou yo?

 

Apre yon endiskresyon ki se sèlman rezo sosyal yo ki jwenn sekrè a, kote tout korespondans ke bank kote ansyen Premye Minis Jean Henry Céant tap anpile lajan depi kèk tan, jedi ki sot pase a tap drive envalib sou tout rezo sosyal yo. 

Dapre sa ki ap banbile nan la Repiblik la, sanksyon Kanadyen yo gen Yon konsekans total kapital nan nivo sektè bankè a nan peyi Dayiti. Bank prive yo pati abò kliyan peyi Kanada sanksyone yo. Pou kèk obsèvatè, bank yo ap suiv tras konpayi avyon yo. Yo menm tou, yo aplike sanksyon peyi gran patwon Ameriken yo, nan ka sa a.

Menm si ou ta wè viza w byen kare nan paspò ou epi li pa anile, tout sa li pran se yon rapò senp nan men otorite ameriken yo pou yo ka imilye kliyan Sila yo pandan vwayaj yp lè ou sibi sanksyon. 

Pou anpil Sila yo kap plenyen, si konpayi avyon etranje yo oblije suiv lwa peyi yo, kidonk anpil moun ap mande tèt yo, nan non ki lejislasyon bank ayisyen yo ap  aji konsa? Bank ayisyen yo pa viv nan Yon bokal. Yo an plen  kominikasyon ak tout lòt Bank aletranje. Relasyon ak yon bank, kidond, korespondan etranje yo ase pou yo kòmanse swiv mezi ki te adopte aletranje. 

Ayiti tèlman dèyè atè plat ak aparèy lejislatif li, nou ka pa jwenn tèks la lwa ki aplike nan zafè sila, men èske pa ta dwe gen plis prekosyon ak prensip nan itilizasyon prensip yo?

Rete pou nou kesyone  dimansyon sanksyon yo. Èske gouvènman ayisyen an ka kontinye ap jwe ak Sila yo ki pa ta konsène alòsje se limenm ki te mande aplikasyon sanksyon yo. èske premye minis ariel henry, menm jan sa te ye pou minis li yo sanksyone yo, ap jwe pou yon tan anvan li mande yo bay talon yo? eske nasyonzini ak gouvènman ayisyen an ap prepare yon asenal legal pou kapab aji? ta sanble koze sanksyon ak enplikasyon gran pwela nan peyi Dayiti yo poko janm ap  fin fè aktyalite nan peyi a.