.jpeg)
Jenn jwè Sila Faiq Bolkiah malgre li se yon atakan ki rete enkoni pou pifò fanatik balon won yo nan mond lan, alòkile li twouve l nan tèt klasman kòm jwè foutbòl ki gen plis lajan nan mond lan, kèlkeswa lè lap debake a, li toujou jwenn Yon ekip sipòtè ki pou akeyi l.
Finalman alèkile, non Foutbolè ki pi rich nan mond lan resi devwale bay gran piblik la kote sa te rete Yon gwo sekrè pou fanatik Foutbòl yo pou te rive fè konesans ak sitwayen Sila. Anpil moun te toujou panse se te Christiano Ronaldo poutan , jwè ki pi rich nan mond lan li pa ni Ronaldo, ni Messi, ni Mbappé ou sinon Neymar. Kidonk Vrè milyadè nan mond Balon won an rele Faiq Bolkiah li gen sèlman 24 lanne sou kalbas tèt li, epi li ap jwe nan pòs atakan nan Ekip Chonburi FC a Yon ekip ki fè pati chanpyona Taylandè a.
Ki donk, Faiq Bolkiah se pitit Jefri Bolkiah, ki pa lòt ke prens peyi Brunei, e li se pitit pitit Hassanal Bolkiah ki se Sultan peyi Brunei.
Faiq Bolkiah fètt nan eta Los Angeles nan peyi Etazini. Ligen Yon pè nasyonalite, li se Amerikèn anmenmtan li se Bruneyèn. Depi li te ti katkat, tout rèv li se te pou l te devni Yon gran foutbolè pwofesyonèl wòdpòt. Ti jennonm Sila nan rasin familyal kote l soti, li pat menm bezwen travay pou l viv Yon vi wololoy, tout fwa li pral konsakre karebare nan zafè foutbòl.
Alòs ki volim fòtin Jenn atakan genyen?
Ann pa al chita sou ki foutbolè ki ta gen plis biyè vèt ki kache labank anba syèl ble a,. Nou pa la ditou. Faiq Bolkiah, près ke pat gen non l enskri sou kalpen majorite fanatik Foutbòl nan mond lan men alèkile li se bèl e byen foutbolè ki gen pi gwo fòtin nan mond lan.
A sèlman 24 lanne, fòtin jennonm Sila evalye a 18 milya ero. Si nou ta vle gen plis limyè toujou, espè yo estime fòtin Christiano Ronaldo rasanble jiskaprezan a 1 milya ero.
Karyè Faiq Bolkiah kòmanse nan lane 2009 lè sa li te gen sèlman 11 zan sou tètli. Li fè premye pa li nan foutbòl pwofesyonèl la nan Ekip jèn Southampton nan nan peyi Angketè.
Malgre li te moutre foug li, angajman l ak det èminasyon l pou l jwe Balon won an,fizik li pat te toujou trayi l kote li pat janm toujou make diferans nan mitan koekipye li yo li te jis rete Yon jwè òdinè.
Sezon yo pase jouk rive nan ane 2014 kote sanzatan responsab ki anchaj pou bouske Jenn jwè pou ekip Chelsea a pral fikse je l sou Faiq Bolkiah, chwa Sila tapral fèt san twòp esplikasyon, petèt se pou kalite jwèt li yo ousinon pou nivo prestij non Jenn atakan.
Alèkile, Faiq Bolkiah pral siyen Yon kontra pou 2 zan avèk ekip la ki pral bout nan lane 2016, kote apre kontra sa fin bout ekip Chelsea a pral libere Jenn jwè a.
Faiq Bolkiah pa bandonnen pou sa, kote li pral siyen Yon akò avèk ekip Stock City a kote li swiv antrenman ansanm ak ekip Jenn nan kote Jenn Bruneyen an fè tout mwayen posib li pou l briye andan ekip la men sa pat bay rezilta kote ekip Stock City a pral lage Jenn atakan.
Jenn Bruneyen an pa fè bak li fè tout posib li pou l jwenn Yon klèb ki pouangaje l. Toutfwa Klèb Leicester City a ki te gen nan tèt li Claudio Ranieri pral tante chans li ak Jenn Bruneyen kote li ta pral jwenn chans li pou l mete pye l nan premye lig la, sa ki pral bal chans siyen premye kontra pwofesyonèl li kote yo te mete l sou ban nan Ekip rezèv la. Andan ekip Leicester City a, Faiq Bolkiah pat totalman envizib, kèk fwa li te konn jwe nan kèk match Youth League la kote li te konn fè kèk bèl figi nan match yo, e li te menm parèt nan foto ofisyèl sezon 2018-2019 la. Li rete jwe la jouk rive nan lane 2020, nan lonb King Power Stadium nan kote li pral resevwa Yon nòt ki Di l ke li lib pou l kraze on kite sa. Men sa yo pat sifi pou te etenn dife rèv jennonm nan ki pral reyisi entegre ekip CS Maritimo a(aktyèlman nan premye lig la)
Poutan, nan premye sezon an, Faiq Bolkiah te rete nan lonb nèt, kote li pat nan jwèt la menm, lanne aprè a li ta prel amelyore Yon tikras kote li ta pral gen chans titilè 2 fwa san fè okenn gòl. E aprè Yon dènyè sezon envizib, nan lawont Ekip CS Maritimo a pral remèsye jenòm nan.
Se nan moman sa tou li ta pral pran refij li nan Ekip Chonburi a kote omwen li ta pral jwe 12 match malgre li pat rive make okenn gòl.
Toutfwa nan Ekip Nasyonal la, jwè ki pi rich nan mond lan e ki apèn jwenn Plas li nan efektif lig 1 Taylandèz la te toujou orandevou ak ekip nasyonal la. Sepandan, ta sanble se gras ak pèsonalite papa l ousinon Yon tonton l ki trè remakab nan peyi a ki ta favorize Jenn gason an toujou titilè a nan Ekip nasyonal la. Laprès sèlman Konnen Faiq te make pou ekip Nasyonal la sou Penalite men anyen ankò.
Selon pwopo Faiq Bolkiah " Mwen ap jwe foutbòl depi mwen te tou piti, mwen te toujou gen Yon Balon nan pye m. Fanmi m te toujou soutni m epi prépare mfizikman ak psikolojikman. Jodi a Fanmi m rete bousòl mwen, Foutbòl la limenm rete kòm Yon anmizman pou mwen men anyen anplis".
Vos commentaires ici.